പേരാവൂർ : നായർ സർവീസ് സൊസൈറ്റി തലശ്ശേരി താലൂക്ക് യൂണിയൻ്റെ ആഭിമുഖ്യത്തിൽ പേരാവൂർ, ഇരിട്ടി മേഖല നായർ മഹാ സമ്മേളനം നവംബർ 22 ഞായറാഴ്ച 2 മണിക്ക് പേരാവൂർ തൊണ്ടിയിലെ സെൻ്റ് ജോസഫ്സ് മേജർ ആർക്കി എപ്പിസ്കോപ്പൽ ചർച്ച് പാരിഷ് ഹാളിലെ മന്നം നഗറിൽ നടത്തും. എൻഎസ്എസ് ഡയറക്ടർ ബോർഡ് അംഗവും കാസർകോട് താലൂക്ക് യൂണിയൻ പ്രസിഡൻ്റുമായ എ.ബാലകൃഷ്ണൻ നായർ ഉദ്ഘാടനം ചെയ്യും. തലശ്ശേരി താലൂക്ക് യൂണിയൻ പ്രസിഡന്റും എൻഎസ്എസ് ഡയറക്ടർ ബോർഡ് അംഗവുമായ എം.പി ഉദയഭാനു അധ്യക്ഷത വഹിക്കും. ഹോസ്ദുർഗ് താലൂക്ക് യൂണിയൻ പ്രസിഡന്റ് കരിച്ചേരി പ്രഭാകരൻ നായർ മുഖ്യ പ്രഭാഷണം നടത്തും. താലൂക്ക് യൂണിയൻ സെക്രട്ടറി യു.രാജഗോപാലൻ, സി.പി.പത്മനാഭൻ നമ്പ്യാർ, കെ. അനിൽകുമാർ, വനിത സമാജം താലൂക്ക് യൂണിയൻ പ്രസിഡൻ്റ് മാലതി രാമചന്ദ്രൻ,
വി.രഘുനാഥൻ എന്നിവർ പ്രസംഗിക്കും. പേരാവൂർ, ഇരിട്ടി മേഖലകളിലെ മുപ്പതിൽ അധികം എൻഎസ്എസ് കരയോഗങ്ങളിൽ നിന്നായി 1500 പ്രതിനിധികൾ സമ്മേളനത്തിൽ പങ്കെടുക്കും. സമുദായ ഐക്യവും കരുത്തും വർധിപ്പിക്കുന്നതിനും സാമൂഹിക വിഷയങ്ങൾ ചർച്ച ചെയ്യുന്നതിനും സമുദായം നേരിടുന്ന പ്രതിസന്ധികളെ പ്രതിരോധിക്കുന്നതിനും വേണ്ടിയാണ് മേഖലാ സമ്മേളനങ്ങൾ സംഘടിപ്പിക്കുന്നതെന്ന് ഭാരവാഹികൾ അറിയിച്ചു.
Nair Maha Sammelan will be held on Sunday, November 22 at 2 pm in Peravoor.





















